ლელატრინე ბარათაშვილი

ცხოვრება ტანჯვაა და სიმწარე.

განმარტება სიმწარე აქ სასჯელი არ არის. ის მტკიცებულებაა იმისა, რომ ყველაფერს ბოლომდე გრძნობ.

ცხოვრება ცირკია და აბსურდი.

განმარტება სასამართლო აღიარებს: ზოგჯერ ერთადერთი გონივრული პასუხი სიცილია.

ცხოვრება ბლეფია და სნობიზმი.

განმარტება უპირატესობა ენიჭება მას, ვინც ბლეფს ამჩნევს და თამაშს მაინც ღიმილით აგრძელებს.

ცხოვრება ამბავია და ნარატივი.

განმარტება ყოველი დღე ახალი თავია. ავტორის უფლება ხელშეუხებელია.

ცხოვრება ქარია და ნარატივი.

განმარტება ქარი მიმართულებას იცვლის, ამბავი კი რჩება. რაც ერთხელ ითქვა, ქარს აღარ მიაქვს.

ცხოვრება დოღია და ნარულა.

განმარტება ტერმინი „ნარულა“ განმარტებას არ საჭიროებს. ვინც იცის, იცის.

ცხოვრება შაპიტოა და ანტაგონიზმი.

განმარტება ერთი კარავი, ერთი არენა და ორი მხარე, რომლებიც ერთმანეთის გარეშე ვერ თამაშობენ.

ცხოვრება იდეაა და განსხეულება.

განმარტება მოსამართლის მანტიაც ჯერ იდეაა. განსხეულება დროის საქმეა.

ცხოვრება ბოდვაა და მძვინვარება.

განმარტება ქარიშხალიც კანონიერია, თუ მის შემდეგ ცა ისევ იწმინდება.